Skip to content

المشلتت

October 30, 2015

هتجيبي نص كيلو دقيق فطير مهم جدا نوع الدقيق عليه عامل كبير من نجاح الفطيرة معاكي اسمه فطير خمس نجوم اسألي عند بتوع ملتزمات الحلويات ولو انتي في دولة خليجية المطاحن الكويتية كويس نص كيلو دقيق تقريبا 3كوب دقيق المج الزجاج العادي اللي بنشرب فيه الشاي نحط عليه معلقة كبيرة سكر معلقة صغيرة ملح ومعانا كوب ماية نعجن بيه تدريجي لحد ما تلم العجينة حاولي ما تزوديش الماية لان لما هتريحيها هتطرى العجينة لو زودتي الماية هتطرى منك زيادة والتحكم فيها هيكون صعب هوه انا استخدمت كوب الماية كله هنسيبها ترتاح ساعتين تلاته بس تغطيها كويس بكيس عشان ما تنشفش هنقسم العجينة دي 6قطع ونكورهم كده وندهنهم بالزيت ونحطهم في طبق على جمب هنحضر طبق مكون من معلقة كبيرة سمنة معلقة كبيرة زبدة معلقة كبيرة سمنة نباتي زي جنة وكريستال اللي تفضليه هندهن الرخامة زيت دهن خفيف ونجيب القطعة الاولى ونفرد بالشوبك على أد ما نقدر وبعدين نشد بصوابعنا من الاطراف عشان ترق اكتر لازم تشوفي الرخامة تصبح شفافة تشف ما تحتها تدهنيها دهن خفيف من الزبدة والسمنة زي نص معلقة صغيرة ودي تاني تكة لو زودتي السمنة بينشفها لان لو زودتي في الفرن  بتقليها في السمنة ف بتطلع ناشفة منك هنفرد القطعه التانية بنفس الطريقة وندهنها برده وبعدين نجيب اللي طبقناها من شوية نحطها عليها ونقفل عليها كده عندنا اتنين جوه بعض نجيب الحتة التالته نفرد بنفس الطريقة ندهن ونحط اللي طبقناهم من شوية ونطبق عليهم كده عندنا 3راقات مطبقين جوه بعض وده اقل عدد يعمل فطيرة وممكن تزودي مثلا ربع ساعه كده في الاثناء دي نولع الفرن عايزة فرن سخن جدا وده من عوامل انتاج فطيرة طرية
نفرد الفطيرة في صنيةممكن ندهن وشها بالقشطة وش اللبن  وتحطيها في الوسط هتلاقيها نفخت زي رغيف العيش اول ما تلون من تحت ولعي الشواية تلون من فوق لو مش عندك شواية اقلبيها تطلع من الفرن على طبق وتحطي الطبق جوه كيس وتقفلي عليها وهيا سخنة هتطرى وبألف هنا

Advertisements
No comments yet

Share your reply...

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: