Skip to content

ليه سيبت فودافون؟

July 4, 2016

مش معنى ان حد معايا اقوله خليك وضدي اقوله مع السلامة. كل واحد له وجهة نظره….انا وانا ماشية من فودافون كنت فرحانة جدا, انا لو في بلد بيطبق قانون كان زماني مليونيرة, فودافون سببتلي وسببت لناس كتيرة مشاكل نفسية وصحية…والي الان انا بتعالج بسبب فودافون ولو ماكنتش سيبتها كان هايجيلي امراض خطيرة…وفي ناس بالفعل كملت عشان اكل العيش وجالهم حاجات وحشة الي منها ملازم باقي عمره والي منها خطير…انا اعرف اتنين جلهم اورام…وكتير مشاكل في الاذن, والي في الفك…والي في الظهر, والي في الركب..انا كنت بشوف الي عنده 60 سنة عنده صحة عني…طبعا كلنا ماننكرش ان فودافون مدرسة وعلمتنا كتير بس على قد ما احنا استفدنا على قد انها اخدت المقابل عشرات المرات…ساعة الثورة سيبنا بيوتنا ونزلنا نبات في الشركة…اتقلنا احمدوا ربنا اننا فاتحين…اه اخدنا جوايز وهدايا وكتر خيرهم, بس الي عايز يطلع لفوق ماكنش في تشجيع…لما الoperations manager يقولي وانا استثمر فيكو ليه وانقلقوا بشكل مؤقت برة السماعة لأي قسم وارجعكوا مين هايجبلي الارقام بتاعتكو وهياخد وقت قد ايه؟ لما اروح اقوله انا جسمانيا بتعب من شيفت ال10 ساعات وقسم الجودة نازل رزع فينا…..على فكرة هو نفسه ساب فودافون بعد كدة….يرضي مين؟ اه بتوحشني فودافون كناس عرفتها مدير وقف في ضهري, الامتيازات الي للأسف معظم الاماكن برة فودافون مابتعملهاش زي التأمينات, ده مش معناه ان فودافون احسن حاجة..هي احسن الموجودين من ناحية الامتيازات….انا شفت ناس بتعدي امتحانات عشان تروح position l معين وتترفض لأي سبب غير مقنع. من الاخر فودافون بتشد الناس تحت بند الامتيازات وفي المقابل بتسلب كل حياتك….اه بنتعلم بس كله على حساب صحتنا. الناس بتخاف تتكلم, بيتهددوا لو كتبتوا على الفيس بوك نعملك جزا…وافتكر في مرة الناس كان واخدها الحماسة وكانت عايزة تعمل مظاهرات كان رد الشركة الي هاينزل هايترفد….عالج العلة حتى لا يكون هناك علة…مفيش احتواء…كل الاجتماعات بتاعة career path ولا ليها اي لزمة…..بصراحة انا ندمت اني وقفت الماجيستير بسبب الشغل, ندمت اني استمريت 5 سنين مش 2, كنت هاندم اكتر لو سمعت كلام الناس الي قالتلي احمدي ربنا ان في شغل….بالرغم ان ناس كتير قالتلي ارجعي بس انا عمري ماهارجع عشان اشوف عمري وصحتي بيتسرقوا مني تاني….فودافون شكرا على الحلوة والمرة…واه بنصح ان الشباب يشتغلوا فيها بس مش لأكتر من سنتين..

Advertisements
No comments yet

Share your reply...

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: