ابحر…!

تخيل انت اسمك فلان، وانت في شبه حالة: الصراع من أجل البقاء، الناس تموت من حولك لجل انت تعيش
انت بتعيش؟ ولا بتموت كل يوم؟ كمشاعر انت بتموت، بس فين التغيير اللي انت عملته…حاولت وبتنفخ في اربة مقطوعة، تستسلم؟! مافيش مجال للاستسلام أو ان الزعل يطول، لازم تصارع عشان تبقى بس على قيد الحياة، ركز على نفسك، ذاكر، خد شهادات ووفق نفسك بنفسك. عشان مافيش حد بينفع حد.
الوضع وحش؟ جدا جدا
هاحبط، هادخل في دوامات مرض ومصاريف وتضييع وقت وفي الآخر هابقى وحيد فاشل ولا حد هاينفعني، لازم انا اكون الوسيلة للمركب بتاعتي عشان تمشي، حتى لو اضطررت انفخ في الشراع لواحدي

الحياة بتجري ولازم اجري وراها واجاريها واحاول اسابقها كمان…ابحر!