Skip to content

صدور فراخ محشية رز بالبصل زي الحمام

July 3, 2018

صدور فراخ محشية رز بالبصل زي الحمام 😋😋

١- هنجيب صدور تخينه نفتحها من فوق بسيكينه رفيعه لحد الأخر اكنك بتعملي جيب فيها كده (لو صعبه خللي الراجل يعملهالك😊)

٢- الرز : هنشوح بصله مفرومه في مكعب ذبده مع معلقتين زيت و ملح و فلفل و حبهان بودر و ورق لورا بودر و قرفه بودر و انزل بالرز ياخد تشويحه و بعدين احط عليه الميه المغليه و اوطي و اغطي لحد ما يستوي ٩٠٪؜

٣- هنحشي الفراخ بالرز المستوي و ممكن تضيفي عليه كبد مقطعه حتت صغيره او بسله و جزر مسلوقين و هتقفلي الفاتحه اللي فوق بخله اسنان

٤- هنرص الفراخ علي الجريل او في صنية سخنة مدهونه نقطتين زيت و نرش علي الفراخ ملح و فلفل و جوزه الطيب

٥- اما الفراخ تاخد لون هنقلبها علي الوش التاني (بتاخد تقريبا ١٠ دقايق كل وش)
وبعدين نغطي عليها و نوطي النار و نسيبها تكمل سواها في الميه اللي هتنزل منها و ممكن نذورد نص كوبايه مايه مغليه
مش هتاخد اكتر من ربع ساعه و تبقي جاهزة ممكن بعد كده تفتحي الشواية و تدهني الفراخ صلصة او كاتشب و تسيبيها دقيقتين تاخد لون

ملحوظة : متفتريش قوي في حشو الفراخ عشان في ٢ فتحو مني في السوا كنت مظغطاهم جامد

متسويش الرز سوا كامل عشان لسه هيقعد تاني علي النار عشان مايعجنش

 

Image may contain: foodCopiedبالهنا و الشفا

Advertisements

طريقة عمل التونة بالمنزل وتخزينها

July 2, 2018

طريقة عمل التونة بالمنزل وتخزينها
المكونات :
11- سمك التونه وتشتريها من محل اسماك .

2- ملعقه كبيره ملح.

3- 2ملعقه كبيره كمون.

4- 2ملعقه كبيره عصير ليمون.

5-2 ملعقه صغيره شطه.

6- 5 معالق كبيره زيت عباد الشمس .

الطريقة :
11- قومى بتقطيع سمكه التونه الى شرائح مفتته قطع .

2- قومى بتتبيل الشرائح بمبلعقه ملح وملعقه ليمون وملعقه كمون واتركيها نصف ساعه.

3-في حله على النار قومى بملء منتصفها ماء وتبلى الماء بالملح والليمون والكمون واتركى الماء يغلى .

4- عند صعود بخار الماء قومى بوضع مصفاه اعلى الحله وعليها قطع سمك التونه المتبل وغطيها بغطاء الحله وهدى النار واتركيها تنضج على نار هاديه حوالى ربع ساعه .

5- بعد ان تستوى القطع اتركيها حتى تبرد .

6- في برطمان زجاجى نظيف وجاف تماما قومى بوضع قطع التونه مع عصير ليمونه وملح وكمون وشطه وغطى الزجاجه بزيت عباد الشمس واحكمى غلقها وضعيها داخل الثلاجه حتى الاستعمال
منقول

Travelling By H. A – Facebook

June 30, 2018

ايوه انا اللى سافرت لوحدى ٧ بلاد فى اوروبا لمدة ١٨ يوم وب ٢٥ الف جنيه كمان 💃💪😄

سافروا ياجماعة لوحدكوا لو تقدروا ماتخافوش بجد السفر لوحدكوا مغامرة ومتعة وخبرة مش بتتعوض 🛫💼

انا كان طول عمري حلمى انى اسافر والف العالم وفعلا بدأت سنه ٢٠١٣ على ما قدرت اقنعهم فى البيت 👨‍👩‍👧‍👧 وكمان احوش 💸😄 بس المرة دى فعلا مختلفة علشان المرة دى انا اللى مرتبة كل حاجة فيها ومسافرة لوحدى 💪 انا اللى رتبت الرحلة كاملة من اول ترتيب اوراق التأشيرة وحجز الهوستلز والتنقلات بين البلاد وهروح فين فى كل بلد وكل حاجة 😎

عملتيها ازاى ب٢٥ الف جنيه بس 🤔 وال٢٥ الف دول صرفتيهم فى اسبانيا بس ولا الرحلة كلها!!
مصاريف الرحلة للناس اللى مش مصدقة الرقم 💶😁
– التأشيرة ومصاريف المكتب والتأمين والاوراق المطلوبة 💸 بحوالى ١٠٠ يورو
– تذاكر الطيران 🛫 ٣٥٠ يورو
– الهوستلز 🌃 لل٧ بلاد ٣٢٠ يورو. بس 😳!! اه بجد وكلهم نُضاف ومستواهم حلو زى الفنادق كمان
– التنقلات بين البلاد والتنقلات الداخلية 🚌 ١٨٠ يورو. طب ازاى 🙄؟! البلاد كلهم جنب بعض فالمسافات بينهم مش كبيرة فالتذاكر مش غالية اوى 🤓
– الاكل 🍔🍟🍕 اكيد طبعا كنتى بتاكلى هناك مش هتصومى خالص المدة كلها 🤔!! فى هوستلز بيبقى اصلا فيها فطار غير كده كنت بجيب من السوبر ماركت واعمله فى الهوستل بتفرق فعلا فى المصاريف للى عايز يقلل المصاريف 👏😄

اكيد سافرتى قبل التعويم صح! اصل صعب الرقم ده بعد التعويم 🙄 انا عملت الرحلة دى اخر شهر ٥ واول شهر ٦ سنة ٢٠١٨ 😁

طب ال٧ بلاد اوروبا اصل اليورو غالى مش رخيص يعنى 🙄🙃
البلاد اللى روحتها وشوية معلومات صغيرة عن كل بلد
– Athens, Greece (day transit)
– Barcelona, Spain
– Paris & Metz, France
– Luxembourg City, Luxembourg
– Zurich, Switzerland
– Munich & Schwangau, Germany
– Prague, Czech Republic

Athens, Greece
– سياحية وزحمة جدا بالذات فى الاماكن السياحية علشان الاماكن السياحية تقريبا كلها متجمعة فى حتة واحدة جنب بعض
– كل الاماكن السياحة فيها تقريبا لازم بتذاكر عكس بلاد تانية
– حلوة.. بس فى بلاد احلى منها فى رأيي
– اهلها كويسين جدا وكانوا لما كنت بسأل على حاجة بلاقى الناس بتساعد الصراحة

———————————————

Barcelona, Spain
– كانت مفاجئة بالنسبالى علشان مكنتش متوقعة انها كده خالص 😍
– من البلاد الجميلة اللى مش واخده حقها
– طول ما انت ماشى انت مستمتع بجمال معالمها والمبانى فيها … وفى نفس الوقت مستمتع بجمال الطبيعة فيها
– سياحية وزحمة بس مش زى اثينا لان الاماكن السياحية مش جنب بعضها

———————————————-

Paris, France
– حلوة وسياحية اكيد … بس زحمة بالذات البياعين اللى بيفرشوا من العصر قدام اللوفر والحتت السياحية
– الناس هناك كويسين وجدعان جدا وبيساعدوا حتى قبل ماتطلب المساعدة
– الناس اللى تروح تخلى بالها من النشالين انا متعرضتش لموقف الحمد لله بس الناس هناك حظرتنى انى اخلى بالى
– حلوة ومش وحشة زى ما ناس كتير بتقول .. بس فى احلى منها ووخده سمعه اكبر من حجمها

———————————————-

Metz, France
– مدينة تقريبا على الحدود بين فرنسا ولوكسمبرج
– لو مابتعرفش فرنساوى يبقى ماتروحش لان اغلب الناس تقريبا مايعرفوش غيره 😄
– المدينة شوارعها كلها تقريبا يا اما بتطلع يا اما بتنزل كده ضمت انك عملت رياضة بدل ماتروح الچيم 😂
– مدينة تحسها من العصور الوسطى كده تحس انك دخلت جوه فيلم braveheart والافلام دى
– طبيعة حلوة وفيها حاجات سياحية على نظام العصور الوسطى بس قليلة اوى يعنى يوم واحد كفاية عليها اوى
– مانصحش حد يمشى فيها بالليل علشان هتحس نفسك ماشى فى ghost town

———————————————-

Luxembourg City, Luxembourg
– شبه Metz لان هما الاتنين قريبين من بعض اوى
– البلد فى منطقة ال old townn الشوارع كلها تقريبا يا اما بتطلع يااما بتنزل ودى المنطقة اللى فيها الهوستل الوحيد فى المدينة تقريبا 😄
– طبيعة حلوة وفيها حاجات سياحية بس قليلة اوى يعنى يوم واحد كفاية عليها
– مانصحش حد يمشى في ال old town بالليل لو بيخاف هدوء جامد ومنطقة معالمها قديمة

———————————————-

Zurich, Switzerland 😍
– غالية جدا فاعمل حسابك انك هتقضيها مشى والاكل من السوبر ماركت مش بيبقى غالى
– خُضره وطبيعة رائعة فوق الوصف
– كأماكن سياحية مش كتير اوى
– شعب راقى وشيك فى نفسه كده 😎😄 فعلا عالم اول
– لعشاق الشوكولاته lindt & sprüngli chocolate المصنع الاصلى 🍫
– بالنسبة لمحبى العربيات البورش لو ماشوفتهاش كل نص ساعة مرة على الاقل يبقى فى حاجة غلط 🚗😂ده مايمنعش ان العجل كتير جدا وفى ناس بتروح شغلها بالبدلة وراكبة عجل 🚲

———————————————-

Munich, Germany
– سياحية بس مش زحمة
– خُضره وطبيعة جميلة جدا
– أماكن سياحية مش كتير اوى بس انت مستمتع طول ما انت ماشى
– مش غالية كبلد بالنسبة للاسعار هناك مقارنة ببلاد تانية

———————————————-

Schwangau, Germany
– الريف الالمانى
– طبيعة وهمية ومع البحيرة هناك كمان 😍
– الcastles اللى فيها هى اللى مخلياها سياحية بالذات neuschwanstein castle ( Disney castle) ودى اللى خلتنى اروحها اصلا لان ده كان حلم بالنسبالى

———————————————-

Prague, Czech Republic
– سياحية وزحمة بس مش اوى
– طول ما انت ماشى انت مستمتع بالمعالم والمبانى
– الهوستلز رخيصة جدا مقارنة ببلاد كتير

طيب حجزتى ازاى وعرفتى الهوستلز دى كويسة ولا لاء منين وروحتى فين هناك 🙄!!!
– الطيران قارنت الاسعار وحجزته من skyscanner
– الهوستلز حجزتهم من booking & hostelworld وعرفت مستواهم من الreviewss بتاعتهم من موقع TripAdvisor
– المواصلات بين البلاد من ابلكيشن goeuro بحدد الاتوبيس على اساس الميعاد والسعر اللى يناسبنى
– الاماكن الحلوة فى كل بلد ومعالمها والحاجات اللى ممكن تزورها من google trips
– بتحرك هناك بالخريطة العادية وبابلكيشن maps offline & navigationn بينفع جدا بالذات اول لما توصل البلد لحد الهوستل

ارجعى بقى من الاول خالص وقوليلنا اخدتى التأشيرة ازاى وقدمتى اوراق ايه ماهو انتى مصرية ولازم تأشيرة علشان تدخلى البلاد دى 🙃
الاوراق المطلوبة لسفارة اسبانيا
– جواب HR من الشغل
– الapplication والاوراق من موقع المكتب اللى تبع السفارة اطبعها واملاها
– حجز طيران مبدئى
– حجز الفندق (حجز مبدئى على الاقل)
– باسبور باخر ٧ سنين وفى حالة اول مرة شنجن بتطلع ورقة تحركات من مجمع التحرير وتترجم
– كشف حساب من البنك (كل بلد بتكتب على الموقع بتاعها المفروض مايقلش عن كام لليوم وبتتحسب المطلوب باليورو x سعر اليورو x عدد الايام)
– صور بخلفية بيضا

بسكوت النشادر

June 4, 2018

wp_ss_20180604_0002.png

Dahab Egypt دهب

May 22, 2018

wp_ss_20180522_0002

Cheese cake

April 28, 2018

wp_ss_20180428_0003 (2)

Two – Three days beach vacation

November 14, 2017